Wanamuziki wakali wa Kitanzania, wanamuziki wa hapahapa nyumbani, wa kale na wa kizazi kipya, kwa pamoja wanajumuika katika hiki kutayarisha na hatimaye kufyatua albamu inayokwenda kwa jina la “Mseto Wahapahapa”.

Albamu hii imesheheni nyimbo/mashairi yenye kuchangamsha fikra za msikilizaji. Mashairi haya yamegusia masuala kama mawasiliano yenye manufaa kati ya wazazi na vijana wao hadi unyanyapaa kwa wanaoishi na VVU.

Mseto Wahapahapa umetengenezwa katika video za muziki pia. Video hizi zimetayarishwa kwa uangalifu na umakini mkubwa wa kisanaa. Video zimetengenezwa kileo ili mtazamaji asichoke kuzitama, japo zinazungumzia masuala ya VVU na UKIMWI zimehakikisha kuwa jumbe hizo zinamfikia mtazamaji katika namna ambayo haitamchosha.

Unaweza kutazama video hizi kwa kubofya viunganishi hapo chini:

Banan Zorro - Zoba	Lady Jaydee - Shamba
Enika - Changanya Changanya	Wahapahapa Band - Naisaliti Nafsi
Flora Mbasha - Usife Moyo	Mzee Yusuph - Mtoto wa Matumaini
Bichuka - Mapambano	Carola Kinasha - Ujasiri