Jina la Usajili:  Neno la Siri:    Umesahau neno la siri?   |   Umesahau jina?
13 Julai 2011

H. Baba & Flora 'Fulu' Utata

H. Baba & Flora 'Fulu' Utata

PENZI la mastaa wawili wanaotamba katika tasnia za filamu na muziki Bongo, Hamis Ramadhani Baba ‘H Baba’ na Frola Mvungi limeanza kuchokonolewa na kudaiwa kufanyiwa mambo  ya kishirikina, Risasi Mchanganyiko lina taarifa.

Akizungumza na gazeti hili Jumapili iliyopita katika Viwanja vya Leaders jijini Dar es Salaam, H Baba alisema kuwa, amekumbana na mambo mengi katika uhusiano wake na diva huyo wa filamu.

“Kuna mambo mengi sana nyuma ya pazia ambayo watu hawayajui na kama nisingekuwa mvumilivu ningekuwa nimeshaachana na Flora, “ alisema H Baba.

Mwanamuziki huyo wa Bongo Fleva ambaye pia huigiza filamu, alitoboa kuwa kuna watu wamefikia kuwaendea kwa waganga ili kulivunja penzi lao lakini wanagonga mwamba.

“Yaani kila siku watu wanatutafuta, wengine nawajua kabisa kwa majina, wanajaribu hata kwenda kwa babu ili watuharibie kitu ambacho naamini watajihangaisha bure, mimi namwamini Mungu,” alisema H Baba.

Mbali ni hilo, H Baba alisema kuwa, mara kadhaa amekuwa akikuta meseji  katika simu ya mpenzi wake huyo kutoka kwa mshambuliaji wa zamani wa Yanga, Boniface Ambani.

“Ambani bado anamsumbua Frola kwani amekuwa akimpigia simu na hata kumtumia SMS  za kumshawishi kimapenzi lakini mimi ninanyamaza kimya tu,” alisema.

Waandishi wetu walipomuuliza H Baba kwamba ni lini wanatarajia kufunga ndoa na Flora, alisema kuwa kwa sasa bado hawajafikia hatua hiyo.

“Bado naendelea kumchunguza, siwezi kumuoa leo wala kesho, unajua  mnaweza kukurupuka kuoana kisha mkajikuta mkiishia pabaya, bado tunajenga mizizi ya penzi letu kwanza,” alisema.

Habari na Erick Evarist na Brighton Masalu

Login to post comments

MSANII WA WIKI

Loveness

MUIGIZAJI na Mtayarishaji wa Filamu Tanzania Loveness Watson Nyota yake kwa sasa inatingisha katika tasnia ya

Soma Zaidi...

VIDEO YA MHARIRI

Off Side

Si mara ya kwanza kutazama filamu za Kanumba, lakini pia ni ukweli kwamba kila filamu anayokuja nayo

Soma Zaidi...

FILAMU ZA BONGO

Mbawa za Dino Zafunguka

MUIGIZAJI na Mtayarishaji wa filamu hapa nchini Tanzania Dennis Sweya (Dino) anatarajia kuanza kurekodi

Soma Zaidi...

WAHAPAHAPA VIDEO

You need Flash player 6+ and JavaScript enabled to view this video.